انت الحسين

**ابو ملاك** الأحد 28 مارس 2010, 08:36

- للشاعر احمد رفيش
تضل الروح تندب بسم ابو السجاد ....وتضل حروفة تسعر بالشراييـــــــــــــــن
واه البصدر تسعر علينة اتلوج ...حديد ولان جاكيف الكلب من طيـــــــــــــــــــن
وجبال الكون مالت سيدي لجلك ....وبحور الكون كلهة اتصيح ممنونيــــــــــــن
وهاج الموج وي الموج باحزانة ...يصيح الموج يامضلوم مالوميـــــــــــــــــــن
مالومين مو بس بالاسم يحسين ....مالومين نبقى اشما تدور اسنيـــــــــــــــــــــن
جيل باثر جيل اتغذى حبك دوم ....وعلينة يشهد الكرار ابـــــــــــــو الحسنيــــــن
اخوك الحسن وامك فاطمة الزهراء ....والوالد علي وزين انتوا معروفيـــــــــــــن
وجدك سيد الاكوان ابو ابراهيم ....كال حسين مني وانة من حسيـــــــــــــــــــــــن
عجيبة الزمن ذاك اشلون عاداك ....وانت ابن النبي وابـــــــــن المياميـــــــــــــــن
عجيبة اشلون ذيج اسيوف الك تنسل ...وكل خيول امية اعليك ملتميـــــــــــــــــن
وعجيبة اشلون مافتحة صدرها الكاع ...وضمت كربلة والشاطي والجرفيــــــــــن
عجيبة اشلون ماطاحت شمس عالكاع ...وما حركت نواصب الك متقصديــــــــــن
عجيبة اشلون بيك الكون ما يرتج ...من شافك وحيد بغير كل طيبيــــــــــــــــــــــن
لكن مو عجيبة الخلد بسمك صار ...ولا عجيبة الشمس تنكسم نصيــــــــــــــــــن
بامر الله انكتب كل اليصير وياك ...وبامرة صرت مولاي شمس الديــــــــــــــــــن
خادم اهل البيت ع
احمـــــــــــــد رفيش